27. Juli 2017

Insicht


Lücht un Düüsternis

Dat ward ok noch annere Dag geven,
wo de Sünnschien de Eerd küsst.
Dor worrn ok noch annere Minschen leven,
wenn du all langtied nich mehr dor büst.
Dien Güstern weer - un is nich mehr.
Dat hett di seker heel veel geven,
mar, wo moi dat ok wesen weer,
van hüüt av an is dat dien nee’t Leven.
Mit ehr Kinner hett de Tied
nu mol nich mehr groot Barmen,
se froogt nich na de verleeden Tied,
se hollt de Tokunft in ehr Armen.

Dat warr´n ok noch annere Dagen kamen,
wo dat reg´nt up düsse moie Eerd.
Wenn du mol  daalfallst, kanns du opstahn,
uns Eerd de brukt ok Regenweer.




©by wildgooseman
_________________________________________________________________

Kommentare:

  1. Leeve Horst, dat heest du wunnerbor in Worde packt."Wo de Sünnschien de Eer küsst", dor is dat Land wo nix uns upholen kann.Un Regen givt Seegen. Dat dürt nich mehr lang un dann kiek ik vörbi, heb bold een eegen Töfftöff.
    Leeve Gröten, Klärchen

    AntwortenLöschen
  2. Wow! Wi wachten denn ok all dorup!
    meent Horst

    AntwortenLöschen
  3. Un Ingrid schickt di ok heel veel Groeten ---

    AntwortenLöschen

[B]Ich danke Dir für Dein Statement![b/]